وردة الــــــــــروح


منتدى يبحث عن هوايات الافراد و عرضها و تحفيزهم على التطور و زرع الثقه بالنفس ..
 
الرئيسيةاليوميةمكتبة الصورس .و .جبحـثالتسجيلالمجموعاتدخول

شاطر | 
 

 شباب على طول !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حافية القدمين
المشرفون


انثى
مشاركات العضو : 482
العمر : 27
الهوايات : كتابة الخواطر ,, وسرقة القلوب!
العمل : طالبة جامعية/net working
رقم العضويه : 13
تاريخ التسجيل : 28/02/2008

مُساهمةموضوع: شباب على طول !!   الجمعة 11 يوليو 2008, 9:49 pm






شباب على طول

تعال بس ولا يهمك .. و اسمع النصايح .. اللي طالعة من قلب ناصح لكم محب ..

لاتفكر في شيخوخة ولا كبر ولا زهايمر .. !

لكم انتم فقط .. أقولكم هذي النصايح ..
اتركوا كل اللي حواليكم .. أي شي شاغل بالكم خلّوه عنكم شوي .. لحد ماتخلصون القراءة !

بسم الله .. نبدأ ؟!

مستعدين .. ؟!

أولى النصايح يا طويلين العمر ..





خل عنك الرياضيات !! والأرقام !

الحين بالله .. العمر ، الوزن ، الطول .. ماهي بأرقام ؟!! وش لك فيها ؟!
لاتحسبها وتقول انا كبرت !!
خلي الطبيب هو اللي يحسبها .. انت مالك دخل ..
أجل وليش ندفع للطبيب .. ويجمع الفلوس على قلبه ! خله يشتغل ويحللها !
بالعربي : ل ا .. ت ح س ب .. ع م ر ك .. !

::






صاحب الأصدقاء اللي يحبون الوناسة ووساعة الصدر .

ياخي أصحاب الهم والغم واللي يتذمرون يجيبون لك الغثا وضيقة الصدر !!
أبتعد عنهم !
( ملاحظة لك : اذا شفت ربعك ابتعدوا عنك .. حط ببالك انك من النوع الثاني .. اللي يحوم التسبد ! )

::







لاتتوقف عن التعلم!

تعلم الكمبيوتر ،الحرف اليدوية ، الزراعة ، أي حرفة .. أي شغلة ! بس تعلم !!
لا تعطل مخك أبداً .. خليه دايماً شغال !
يقولك :
'An idle mind is the devil's workshop.'
And the devil's name is Alzheimer's!

بالأوردو تعني : المخ الفاضي .. مصنع لتكوين الزهايمر !

::








استمتع بالأشياء البسيطة !

استمتع بكل شي تشوفه .. بأكله حلوة تحبها .. بصوت عصفور عجبك .. باجتماع عائلي حميم .. بمنظر الغيوم .. أي شي ..!
عيش اللحظة الحلوة واستمتع بها ..
ليش تكدر صفو اللحظة الحلوة اللي انت عايشها .. بتذكر الهم اللي صار لك قبل يومين !! والله انك مو وجه نعمة ! ويبي لك وشسمه << طيب لاتدفين ..

::







أضحك ضحكة قوية ومن قلب .. !

أطلق ضحكة طويييلة و بصوت عالي ( طبعاً مع اصدقاءك .. والا يخرب البرسيتج ) ..
ضحكة تخليك تاخذ نفس عميق ..تحس معها أن كل الأكسجين اللي بالعالم دخل في كامل رئتيك !!
واذا عندك اصدقاء مرحين وتضحك معاهم على طول .. استغل الفرصة واقضى معهم أطول فترة ممكنة ..

::






الدموع لابد منها !

تحمّل .. احزن .. و .. عدّيها !!
الشخص الوحيد اللي يستمر معاك طول حياتك هو ' أنت ' ! فلا تحمله ما لا يطيق من الحزن طول حياته !
عيش حياتك دامك عايش !!

::






خلي دايماً الأشياء اللي تحبها حواليك ..و تحيط بك ..

سواء كانت عائلة .. حيوان أليف تحبه .. نبته ترعاها بنفسك .. هواية .. وات افر ' أي شي '!
بيتك .. هو ملاذك الوحيد .. فأجعله مأوى للاستمتاع ..

::







صحتك ..!

إن كانت ممتازة .. أحمد ربك .. و حافظ عليها ..
وإن كانت غير مستقرة .. حسنها .. واهتم بها اكثر ..
وإن لم يكن بوسعك تحسينها .. اطلب المساعدة ..

::




لاتذهب في رحلات ' لوم الذات والإحساس بالذنب ' مع النفس !

بل اذهب إلى رحلات للسوق .. للبر .. سافر .. اذهب لمكان فيه سعادة لك .. ولكن إياك ورحلات جلد الذات !

::





قل للأشخاص اللي تحبهم .. انك تحبهم .. في أي وقت وبكل وقت تسنح الفرصة ..!

ستندم كثيراً .. إن رحل عنك شخص للأبد .. وهو لايعلم انك تحبه ! لأن جرأتك خذلتك و أبيت الا تقولها له !
شفيها لو تقول لأمك : يمه انا احبك .. قد تستغرب هي بالبداية .. ولكن إن قلتها مراراً وتكراراً .. سترى انت نتائج مذهلة !
ماذا تنتظر !!! طبقها الآن !

::



وأخيراً .. تذكر .. !

الزيادة في العمر إلزامية .. ولكن الحفاظ على الشباب اختياري .. !

ودمتم .. شباب على طول..



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
wardat-alroo7



انثى
مشاركات العضو : 466
العمر : 27
الهوايات : كل ما تنتجه اليد و العقل
العمل : الدفاع عن القلوب المستضعفه
رقم العضويه : 1
تاريخ التسجيل : 20/02/2008

مُساهمةموضوع: رد: شباب على طول !!   الإثنين 14 يوليو 2008, 10:40 pm


ودام قلمكـِ شاباً بشكل الدواممممممم...

تحياتي لكــِ اخيتي لموضوعكـِ المتميز ...

_________________




ミ♡彡 ليـس كــل مـــن أبتسمـ لــك فهــو يحبكــ ミ♡彡




[img] [/img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شباب على طول !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وردة الــــــــــروح :: 

وردة العامــ :: 

كل ما هو عامــ

-
انتقل الى: