ناقش العضو اللي بعدك بسؤال

ســـلام من الله عليكم ...

موضوع شفته بمنتدى ثاني وكان في تفاعل كبير عليه من الأعضاء

والموضوع هو انه يجي عضو

ويطرح سؤال قابل للنقاش

ويجي اللي بعده ويناقش

ويحط سؤال قابل للنقاش

وهكذا.....

سؤالي هو:

ما رأئك في الاختلاط بالجامعات ؟

السلام عليكم ورحمة الله وبركاته ..

الصراحه الموضوع هذا مصيبه عاد انا بقول الي اقدر عليه من وجهة نتظري ..

اول شي في محورين في جميع الحياة موجودين .. الزين & الشين ..

الاختلاط فيه الزين وفيه الي مو زين ..

بختصار انا بقولك اني اايد الاختلاط .. لان يمكن يكون فيه فوائد اكثر من عكسها ..

بس .. لو في اي تعقيب على كلامي او انتقاد او تأييد .. احب اسمعه من اي شخص ..

اختار موضوع للي بعدي .. (( شرايكم في البنت الي ماتلبس عباية .. بس متحجبة ومتستره كامل من فوق لتحت .. ))

أشكر أخيتي الكريمة وردة الروح كل الشكر على النقل الجيد ..
عموما ً .. بالنسبة إلى " الإختلاط في الجامعة" ..
لكل شي في الحياة سلبيات وايجابيات .. فالإنسان نفسه يحمل من دا وداك .. كما والجدير بالدكر ان للحياة متطلبات ..
فبغظ النظر عن تصرفات العض الغير لائقة في مثل هده التجمعات .. فإنها تحمل من الإيجابيات كثيرا .. فمنها يكون تعود للمستقبل في بيئة العمل فإنه لابد وأن يكون هناك إختلاط بين الجنسين .. والأهم أن كل من الطرفين يلتزم حدوده الوظيفية .. وأن الجميع في مثل هده الأماكن لا يتعامل مع من حوله إلا كأخ وأخت ..
رأيي ببساطة وسأعود لمناقشته حينما تكثر المحاورات فيه ..
دمتي غاليتي ...

الأخ "My Queen"
بالنسبة لهدا الموضوع ..التي تحب مناقشته .. لا يمكنني أن أحكم عليه بأنه خطا فاشح ترتكبه بعض الأخوات ولكن عني شخصياً فإنني أفضل إرتداء العباءة بدل دلك ..
مع شكري الخاص ..

دود رائعه واساليب متنوعه و طرح مميز ...
اخت زهرة أمل ننتظر سؤالك القادم ...

للأسف مافي سؤال

**

لكن مارأيك بالذي يحد من مظاهرات في البحرين مع ان بعض الدول المجاوره قد تعرضت
لماتعرضو له وسكتوا عن كل شئ؟

**

لكن مارأيك بالذي يحد من مظاهرات في البحرين مع ان بعض الدول المجاوره قد تعرضت
لماتعرضو له وسكتوا عن كل شئ؟

الساكت عن الحق شيطان اخرس ...

شعب البحرين تحمل الكثير من الذل و الهوان و لكن عندما يكون السكوت سماً قاتل لا بد من الافعى ان تخرج حميع انواع السموم لتخلص منه باسرع طريقه ممنكه ...

شعب البحرين لا زال يقاوم و سوف يزال إلى وقت الفرج و تحقق كل المتطلبات التي نريدها لنعيش بسلام ....

سؤالي للبعدي ..

ما رأيك بمقولة : أن لم تكن ذئب أكلتك الذئاب ؟

سؤالي للبعدي ..

ما رأيك بمقولة : أن لم تكن ذئب أكلتك الذئاب ؟

بصراحة:
هذي مقوله لازم تتجسد في ارض الوقاقع
واقصد في البحرين
وثانيا
يمكن الاستفاده منها في بعض المواقف
فهمي كالمقوله التي تقول:
الساكت عن الحق شيطان اخرس
والمغزى هنا
ان هذي المقولة يجب علينا استعمالها ولكن!!
عند اللزوم والاحتياط

اللي بعدي:
ما رأيك في الدوم المدرسي الذي سيطبق في السنة الجديدة
وهو الدوام من 8 ونص الى 3 ونص

تحياتي
جنوني

اللي بعدي:
ما رأيك في الدوم المدرسي الذي سيطبق في السنة الجديدة
وهو الدوام من 8 ونص الى 3 ونص ؟

جداً ممتاز ...

حتى تعتبرون نفسكم بمدرسة خاصة << خخخخخخ

وحتى تنامون شوي و تتاخرون بالردة الشوي << الجامعة مو احسن منكم ...

للبعدي :

شرايك بحب المراهقه ؟

امممممممممممم

كسائر انواع الحب
لكن تغلب عليه العاطفة ونشوة أول حب
بدون مراعاه تلك المرحلة
ولكنه بشكل عام لا يؤثر اذا ت مالتصرف بحكمه معه
فالحب الصاقد لا يحتاج الى مرحلة معينه لإدراكه
فهو يأتي فجأة بدون سابق انذار
ولكن يجب ثم يجب الحذر وعدم الخدع من قبل الطرف الثاني
(الحذر واجب)

اللي بعدي:
وش رايك بالمنتدى بشكل عام
موضح ايجابياته وسلبياته
(اقصد منتدى وردة الروح)

المنتدى بدون مااتكلم فيه .. اعتقد ان الكل يشيد بنجاحه ..
وهذا رايي فيه طبعاً ..

اما من ناحية سلبيات .. ايجابيات ..

فأعتقد مافي سلبيات ولله الحمد .. يعني كل مافي الموضوع ان يحتاج شوي تحفيز من الادارة للأعضاء عشان يكتمل نجاحه ..

والايجابيات .. ان جمعنا وعرفنا لبعض .. استفدنا منه .. وهذا اهم سبب انفتح له هالمنتدى .. وبس .

ابي الي بعدي .. يناقش لي

ولد العنود او My Queen ..

ولا يخلي شي يقول كل شي سلبيات ايجابيات اي شي يبي يقول ..

يالله منو الي بناقش ..

جنوني بتناقش

العضو ولد العنود او ماي كوين حاليا
هو انسان مثل باقي الناس يعني له ايجابياته وسلبياته

من ناحيه الايجابيات:
هو انسان عفوى ومزوح يحب الناس
وعنده طيبه ويحب يشارك الناس اهتماماتهم
يحب المبارة في كل شيء
وعنده مقوله في الحياة تقول:
ان لم اكن بالصف الاول فلا يهم ان كنت بالصف الاخير
وهو انسان حساس وعنده امل بالحب

اما السلبيات
امممممم
ينرفز اللي حوله بس بعد بأسلوب مهذب
يمووووووووت على شيء اسمه (( اقهر اللي صوبكـ))
ويحسب انه كل الناس مثله طبيبن على نياتهم
ما يعترف بهالمثل في حياته:
ان لم تكن ذئبا اكلتك الذئاب
وثقته بالحب كبيييرة وهي يمكن تعرضه للجرح

اللي بعدي:
ما رأيك بظاهرة التجنيس في البحرين
اللي كأنها مرض انفلوزنا الطيووور
منتشرة بشكل مو طبيعي
((مالها حل))

ما رأيك بظاهرة التجنيس في البحرين
اللي كأنها مرض انفلوزنا الطيووور
منتشرة بشكل مو طبيعي

ظاهرة التجنيس صارة عاديه ...
بكل برود ما لك حق تصارخ على اي شخص حتى لو هنديه تشتغل بيكتكم لان بعد يومين راح تطلع لك الجواز الاحمر ...

لا عربي ولا هندي ولا انجليزي ولا صاحي ولا مكسر ولا فقير ولا غني الا يحمل هلجواز ...

المشكلة بهلحكومة الا قاعدة تجنس و المشكال احنا الا نطيح فيها ...
جرائم ولا وظائف ولا حرية والسبب لمجنسين ...

كنا نقول بلد المليون نخلة الحين صرنا نقول بلد المليون مجنس ...

سؤال الا بعدي :
ما هو رائك في لبس البرقع للبحرينات الذين يقودون السيارة ؟

ماايد لبس البرقع عامهً .. ف شلون لما البنت تسوق وهي لابسته .. احسه يعيق البنت او اذا لاسمح الله اخذ البرقع وضعيه غلط فجاه شبصير يعني...! هذا رايي باختصار...!!

طبعا بزمنا الحين نلاقي حتى الاطفال عندهم موبايلات .. فسؤالي يقول .. شنو رايكم بهالظاهره ..؟!

طبعا بزمنا الحين نلاقي حتى الاطفال عندهم موبايلات .. فسؤالي يقول .. شنو رايكم بهالظاهره ..؟!

ما اايد هذا النوع من الأساليب في التربيه ...

ان انحرافات الشباب كثيرة و الموبايل من السن المبكر قد يكون احد الاسباب المؤدية إلى الأنحراف ..

وان كان الامر لا بد من وجوده فيجب على الاسرة ان تراقب الطفل و كيفية استخدامه لهذا الموبايل ...

سؤالي للبعدي :

ماذا تفعل و إلى أين تتوجه أن غدر بك الزمان يوماً ؟؟..

الشيء اللي اسويه:

اول شيء الانفراد وحيده في مكان معزول
بكاء + حسرة + ندم + شتات

الصمت:
ربي هو باب فرجي
والبحر هو الثاني
لانه الحياة علمتني:
ان احترم الناس ولكن!!
ما اثق فيها بكل أسف

(نعيب الزمن والعيب فينا)

أين يجد/ تجد نفسكـ وسط هذه الحياة؟؟
وهل لديك احساس بأنك ولدت في الزمن الخطأ والمكان الخطأ؟؟
وهل ظلمت يوما؟

أين يجد/ تجد نفسكـ وسط هذه الحياة؟؟
وهل لديك احساس بأنك ولدت في الزمن الخطأ والمكان الخطأ؟؟
وهل ظلمت يوما؟

...................

بصراحه بصراحه .. اشوف نفسي في هالحياة .. انسى هايم في مكان ماله نهايه .. وبدون اي اهداف .. وبدون اي اساسيات يتخذ منها طريق يسلكه .. يعني بختصار .. واحد فاضي ماعنده في الحياة اي هدف .. يتسكع من مكان لمكان يدور له على احد يوجهه للهدف الي المفروض يمشي عليه ..

اما من ناحية اني مولود في الزمن الخطأ .. انا بصراحه اشوف ان اي انا منولد في زمن مو زماني ..
لان كل شي مو عاجبني في هالزمن .. من بداتيه الى نهايته .. واتمنى ان لو كنت عايش في زمن قبل هالزمن .. لأسباب والله كثيرة ..

ومن ناحية الظلم .. كل شيعي في هالكون مظلوم .. وكلنا انظلمنا بس حقنا مايضيع عند الله .. وانا الي اخاف منه الحين .. اني ظلمت اكثر من اني انظلمت ..

للي بعدي .. ابي احد يقولي ويناقش وياي .. ظاهرة الحب عن طريق الانترنت .. ولا احد يقولي كلمتين ويسكت .. لا ابي يناقش من جميع النواحي .. ويالله وين الي اشد فيهم الظهر خل يردون ..

My Queen Said:
للي بعدي .. ابي احد يقولي ويناقش وياي .. ظاهرة الحب عن طريق الانترنت .. ولا احد يقولي كلمتين ويسكت .. لا ابي يناقش من جميع النواحي .. ويالله وين الي اشد فيهم الظهر خل يردون ..

ظاهرة الحب بالنت هي طريقه من طرق الحب
وصارت عاديه في هالزمن
حالها حال التلفون و ......ألخ
بس حب النت له ايجابيات وسلبيات
(بالنسبة لي طبعا)

اول شيء الايجابيات:
هو حب اتوقع انه يعتمد على اشياء اخرى غير الشكل
يعني اول ما يبتدى الحب ممكن يبنى على اساس معين
وهو الاعجاب بالكلام او الاسلوب ومن هالاشياء
لا يمكن ان يعتمد على الشكل في البدايه
وهذا اهم شيء فيه واحلى ايجابياته
ان يبعد الانسان عن التفكير السطحي
اللي يعتمد على الشكل والملامح
ونسبة نجاحه بسيطه جدا
وهذي النسبة ما تعتمد على شيء معين او قاعدة معينه
بل تعتمد على الطرفين نفسهم
هم اللي يقدرون يحددون الاهداف اللي يبونهم
بالاشتراك طبعا
وهالحب عن طريق النت
يصلح اللي عندهم خجل كبير وعدم قدرة على التواصل
او مرض الخجل
<< اذا صح التعبير

أما السلبيات
فهي مثل الايجابيات
تعتمد على الاشخاص
وعلى حسب نيه الشخصين نفسهم
يمكن يصير استغلال وانحطاط
ولا ننسى ان الانترنت شكبه عنكبوتيه
واسعه ومحد يضمنها
ولكن الشيء الاول والاساس بيكون بينهم
وممكن هالحب ينجح اذا كانوا الطرفين يبونه ينجح
وكلما يعرف
انه بالحب نتخطى كل الحواجز والعوائق
بالحب الصادق طبعا

اذا حب النت
كحالة من اي انواع الحب
معرض الى نجاح وفشل
وكل شيء معتمد على الشخصين
ويمكن هالحب ينجح والطرق الثانية المعروفة ما تنجح
لانه الحب بأختصار
اندماج روحين
ما يهتمون لا بالزمن ولا بالطريقه ولا حتى بالاسباب
ومثل ما يقولون:
الحاجة ام الاختراع
بالحب نقدر نخلي اي الطرق ناجحة

هذي وجهة نظري
واعتذرني على الاطاله
عندي اشياء كثيرة لكن اكتفى بهذي
وان شاء الله اكون صولت اللي ببالي
واي استفسار او ما فهمته خبرني Smile

سؤالي للي بعدي:
وينكم ياللي شاده فيكم الهمة:

الحب!! الكلمة التي أصحبت وسيلة رخيصة لأستغلال قلب أمرأة او قلب رجل؟؟
وكلما نعرف انه مازالت بالعالم حب صادق
فما هي نسبته بنظرك؟؟

اولاً: المراه قلب رقيق يهيج مشاعره اقل اهتمام .. وكلمه وحده يمكن للنت ان تتغير 180 درجه .. المراه كالطفل الصغير اذا ضاع منه شي يبكي بمراره واذاحصل اللي يبيه تلاقي الابتسامي ماتفارقه .. والبنت محتاجه لحنان رجل .. لكبرياء رجل .. لوقوف الرجل معها بكل لحظه .. ولكل كلمه صادقه حلوه ..

بس لونجي نتكلم عن الشباب .. نلاقيهم انواع .. نوع عنده عده صديقات ويحب وحده منهم بس والباقي مجرد تسليه!! .. ونوع عنده عده صديقات بس مايحب ولا وحده منهم .. ونوع عنده صديقه وحده بس ويخلص لها بكل شي وهذا النوع مابقول موموجود بالعكس .. وانما قليل ..

وعندددي كلام واااااايد اقوووله .. بس مابطول عليكم ..

وسؤالي يقول .. هل انت تؤيد فكره زواج الشاب وهو يسن مبكر بعمر 18 الى 20 مع العلم ان نضج الشاب بكون من سن 21 ..؟

لاااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

هذا جوابي .. واعتقد ان يكفي ..

اما لو تبين وجهة نظري في الموضوع ..

في ايامنا هذي وخصوصاً هاليومين بعد .. انا شخصياً اايد فكرة الخطبة المبكرة .. بس الزواج المبكر لااااااااااااااااااااااااااااااا ..

يخطب اي ويقعد وياها مدة طويلة لين الزواج اي .. بس يخطب ويتزوج لا والف لا ..

انا اقول مو اقل من سن الـــ 25 الى 27 سنه ..
يكون كون نفسه وكون حياته .. وصار يعرف يتصرف في كل شي ..

وقتها .. يتزوج .. وهذا الكلام اطبقه على نفسي .. بس مو لاقي منو اخطب .. خخخخخخخ

سؤالي للي بعدي ..

لو كان في بينا عضو في المنتدى .. عضو فعال .. ولمسته معروفه في كل جزء من المنتدى ..
وكل الاعضاء يعرفونه .. وفي يوم قال بطلع من المنتدى .. او فجأة مالقيناه ..

وش راح توجهين له رساله .. وو ش رايك في تصرفه .. ووش تتوقعين بيكون ردة فعل الاعضاء ..؟؟؟

طبعا هو ماقال انا بطلع من المنتى الا له اسبابه المقنعه ... بحاول اعرفها .. وكل شي وله حل .. لكن ان ماتقبل وقوفي معاه .. هذا شي راجع له .. وبالنهايه هذا قراره ..

واذا شخص فجاه مالقيناه بالمنتدى .. يعني اكيد في ظروف لازمته .. بحاول اني اسال .. واطمن عليه ..

وكل شخص بهالمنتدى .. يعني لي شي .. ومااتمنى انه يجي يوم ويتركنا احد الاعضاء ..!

امم .. سؤالي يمكن غريب شوي .. بس تعرفون ان الساده .. فيهم عرق .. يعني عصبيين .. اذا نط هالعرق لهم خلاااص هههههههه .. ونفس الوقت معروفين بخفاه دمهم .. خلنا نتكلم شوي عن احفاد رسول الله .. وبشكل عام واطباعهم ..!! .. ووش رايكم بهالعصبيه ..!

انا امتنع عن التصويت في هذا الموضوع ..

واحول الجواب للي بعدي ..

العصبية لابد من وجودها في كل انسان و حتى لو قلتون بأن هذا الشخص بارد ...

مهما كان الانسان لابد من وجود يوم من الايام او لحظة من اللحظات ويعصب فيها ...

ولكن هناك أناس كثيرون العصبية و بشكل دائم ومستمر و لا يستطيعون مسك انفسهم ...

العصبية لا تقتصر على السيد و العام و انما هي شيء عادي للكل ...

ولاحد يفرق يقول السادة جديه و العوام جديه كلنا ربنا واحد و صح ان جدهم رسول الله و احنا بعد Cool

...

وين السؤال يالي فوقي ..

اوكي الحين احط السؤال ...

بس جاري التحميل شوي ...

wardat-alroo7 كتب:: العصبية لابد من وجودها في كل انسان و حتى لو قلتون بأن هذا الشخص بارد ...

مهما كان الانسان لابد من وجود يوم من الايام او لحظة من اللحظات ويعصب فيها ...

ولكن هناك أناس كثيرون العصبية و بشكل دائم ومستمر و لا يستطيعون مسك انفسهم ...

العصبية لا تقتصر على السيد و العام و انما هي شيء عادي للكل ...

ولاحد يفرق يقول السادة جديه و العوام جديه كلنا ربنا واحد و صح ان جدهم رسول الله و احنا بعد ...

فعلا خيوو .. بس معروفين ان دمهم حاار ..

وهالصفه موجوده فيهم ..

مو الكل وانما الاغلبيه ..

ووين سؤالج ..؟!

سؤالي للبعدي :

ما هو شعورك وانتم ترون شخصاً عزيزاً يشك على الضياع و لسانك صامت ؟

wardat-alroo7 كتب:: سؤالي للبعدي :

ما هو شعورك وانتم ترون شخصاً عزيزاً يشك على الضياع و لسانك صامت ؟

اول شيء حبيت اعلق واقول:

اني سيده
واللي قلتونه ممكن صح فينا
والكل يقول غالبا انه عرقنا طافر <-- وش نسوي
ولكن بعد طبيبن احنا
وعصبيتنا مؤقته

المهم ارجع لسؤلنا:
شعور اني اتمنى الارض تنشق وتبلعني!
انسان غالي ويضيع بين عيوني وربي صعبه
واني اظل بصمت مؤلم
بأختصار الشعور لا يوصف بكلمة او كلمتين
وممكن وصف الشعور فقط بـ:
موت في عز الشباب
لانه روحك تموت في هالعمر وانت تشوف شيء وما تقدر تسويه

سؤالي للي بعدي:
فسر هالمقولة بوجهة نظرك:
وما اعجبني موت المحبين في هوى ولكن بقاء العاشقين عجيب

فسر هالمقولة بوجهة نظرك:
وما اعجبني موت المحبين في هوى ولكن بقاء العاشقين عجيب
..............................

بصراحه مقولة واجد صعبة و فكرت فيها لمدة يومين لكن للأسف .....

وما اعجبني موت المحبين الذين امتلئ قلبهم بالحب و الحنان تجاة الشخص الذي دخل قلبهم و تبادولو معه بنفس الاحاسيس و رابطهم هو الحب ...

ولكن بقاء العاشقين عجيب ، والعاشقين هم اعلى تفوق من درجة الحب و لذالك كان اعجب و اروع من الحب فالعشق يحمل الحب و الهيمان و ذالك ألى قمة الجنون أيضاَ ...

لا اعرف ماذا اقول فالعبارة لربما متناقضة و لربما صعبة التفسير ...

سؤالي للبعدي :

ما هي وجهتك تجاة الناس و ما هو وجهة الناس لك ؟

وردة الروح:

سؤالي للبعدي :

ما هي وجهتك تجاة الناس و ما هو وجهة الناس لك ؟

جوابي:
وجة نظري بالناس .. انهم ذو اقتعة مختلفة.. مختلفون بأختلاف كل شيء.. فيهم الزين وفيهم الشين .. فيهم الذيب وفيهم الوديع .. وجة نظري بالناس انهم ذو طباع وعادءات لا تنحصر في سطور
لانه بأختصار كل الأصناف موجودة ولا تستطيع ان تحكم على الكل من خلال فئة معينه

اما وجة نظر الناس فيني
فهذا السؤال انا انتظر جوابه من الناس
لانه ما يصير اني اشوف روحي شلون في عيون الناس

سؤالي للي بعدي:
الحياة في البحرين صعبة مقارنة بالباقي..
خصوصا في مجال العمل
هل تعتقد ان الشهادة وحدها كافية في عصر البحرين هذا؟؟
ام لا بد من عوامل أخرى كالواسطة و غيرها؟؟

شوفي .. الحين عندنا احنا هنا في السعوديه .. في وظايف مو مافي .. بس منو الي بيشتغل براتب 1500 ريال .. مافي لان ماتوكل عيش خصوصاً هاليومين وارتفاع الاسعار ..

ورايي تبي وظيفة جيب شهادة ويبي لك واسطه ويمكن عندنا احنا تظطر تدفع فلوس للواسطه عشان يخدمك ويتوسط لك .. والواسطه تدفع لهم مبالغ كبيييييييييييييييرة جداً
الحياة كل مالها وتصعب وتروح للأسؤ ... ااااااااااااااااااااااه والله حرام الي قاعد يصير ..

سؤالي للي بعدي ..
بكتب لكم دول .. وكل دولة ابي تتكلم عنها بالي تعرفه ..
البحرين :
السعوديه :
الامارات :
قطر :
الكويت :

قول الي يعجبك والي مايعجبك في كل مكان من هالاماكن .. وبكل صراحه

سؤالي للي بعدي ..
بكتب لكم دول .. وكل دولة ابي تتكلم عنها بالي تعرفه ..
ان شاء الله Smile

البحرين : اكتفى بالصمت عن هالنقطة وبس بقول:

عذاري تروي البعيد وتخلي القريب Sad

((حاميها حراميييها))
السعوديه : بلد احسها متشددة واجد ومثل ما يقولون: الضغط يولد الانفجار
بس عن جهة الحياة اللي عايشنها احسها مقبولة بل انه بعضها يكون ممتاز
الامارات : احلى دول الخليج، حياة راقية وعندهم سلام وتفاهم
قطر : مثل الحال عندهم رضا الشعب وكرامته فوق كل شيء وبعد عندهم اهتمام بكل ما يهم الشعب خصوصا الرياضة
الكويت : حالها زينة بس سمعت ومو متأكده انه غالبية الشعب الكويتي مغرور بس بعد بلد ماعليه كلام

قول الي يعجبك والي مايعجبك في كل مكان من هالاماكن .. وبكل صراحه
قلت اللي عندي وبكل صراحة
وعن بلدان الأمارات والكويت وقطر وعماان بعد
حكامهم ما عليهم

(هذا اللي اعرفه .. ارجو السموحة)

سؤالي للي بعدي:
اصبحت انسان ذو مكانة مرموقة سياسيا في البحرين
هل ستكتفي (بالسيارة وكم ألف) وبتنسى مبادئك؟
وهل راح تكون الناطق بأسم الشعب اللي اختارك
او انه نفسكـ بتغلبكـ؟؟

اصبحت انسان ذو مكانة مرموقة سياسيا في البحرين
هل ستكتفي (بالسيارة وكم ألف) وبتنسى مبادئك؟
وهل راح تكون الناطق بأسم الشعب اللي اختارك
او انه نفسكـ بتغلبكـ؟؟

لن وألف لا ...

السيارة و الألوف لا تشبعني لوحدي و أنسى مطالب الناس و واجباتي الموعوده لهم و افعل كما فعل السابقون المنبودون الذين اوهمونا بحقوق لنا و مطالب تنفد و عند امتلاك الاموال تناسو الوعود ...

انا شخصياً احاول تغير هذه الفكرة من عقول الناس عندما اكون في هذه المكانة وتحيق كل الرغبات ,,,
فأني اخترت منصباً و اخترت كسب الناس و البحث عن مطالبهم لا للوعود المخلوفه لهم ...

تحياتي و شكري
وردة الروح

سؤالي للبعدي :

عندما يطلب منك التحدث عن حياة بكلمة واحدة فماذا تقول ؟

متعبه ولكنها جميله!

اترك السؤال للي بعدي .. لان مافي بالي شي الحين !

ما هو رأيك في من يخاف عليك بشدة و لدرجة الجنون ؟

هالشخص بكون عذاب!!
والافضل انه يعزز ثقته بنفسه عشان يقدر يثق بالغير والشخص من هالنوع ماتعجبني شخصيته
بالرغم حلو اني الاقي شخص يخاف علي ويغار بس كل شي بحدود !

اذا سمعت بيوم شي مجرح من شخص قريب منك .. وانه يتكلم من وراك بالسوء بالرغم قدامك وجه ثاني يكون .. فشلون راح تتصرف مع هالشخص ووش رايك بهالنوعيه من الناس ؟!

مب شرط الانسان الا يعزني يتكلم من ورايي مو كل الكلام المنقول يكون صحيح و حتى لو تكلم من وراي يمكن كان ما يقدر يوصل لي الكلام الا بقلبة فخبر الناس عشان الناس توصل له الحجي باسلوب ثاني لكن مو كل من يعرف باسلوب ...

واذا كان الشخص صاحب وجهين فهو معروف ولكن اذا كنا نثق بهذا الانسان القريب نقدر نحكم عليه من اسلوب وتعاملة مع الناس الباقيه اذا كنا صج نحترمة ونعرفه حق المعرفه .. والدنيا كلها كم يوم و منتهيه فم مب حلو نشيل على بعضنا ....

الا بعدي

هل تصفح عمن جرحك ولمادا ؟...