هل واجهت [الموت] يوماً ما في حياتك؟؟!

السلام عليكم ورحمة الله وبركاته،،

في حياتنا اليومية.. تحصل أحداث.. بين القضاء والقدر.. وبرعاية من عين الله.. ينتهي الأمر..

لكن.. هل وصل بك الأمر يوماً مع القضاء والقدر إلى أن تجزم أنه لا محاله إنك ستمووت؟؟

إلى درجة تصل بك.. إلى أنك تستلم للموت!!؟؟

فتذكر الله في هذه اللحظات.. وبعد أن يزول الأمر..

تفتح عينيك.. لترى إنك ما زلت على قيد الحياة..

وإن الأمر إنتهى.. فتحمد الله.. ويكون لك في ذلك عبره!

...

بعد هذه المقدمة..

الموضوع عبارة عن مشاركاتكم لنا بمواقف صعبة جدا مريتون فيها..

مواقف وصلت بكم إلى درجة.. مثل ما يقولون "شفتون فيها الموت بعيونكم"

وأنا راح أبدا ..

....................

اني صارت لي عده مواقف ..

منها ويه اخووي .. كان يكتب عالسبوره .. جيت اني بتعلف ابه ورفسني على بطني ..

دايركت طحت .. حسيت نفسي موقادره اتنفس .. موقادره اتكلم .. ونفس الوقت

مااشوف عدل .. حملتني امي ونزلت بي تركض .. كنت اسمع صراخها .. بس موقادره

اسوي شي .. عدين شوي شوي .. صار التنفس يرجع طبيعي لي .. والحمد الله للحين

مامت يعني ههههههههه ...

..............................

ومرتين حسيت بالموت موانه صادني شي من هالمواقف لا .. حسيت بالخطر ..!!

وعشان تفهموني بقول لكم موقف بس..

اول موقف كنت طالعه البراده .. وكان يم البيت ظلاااام .. وهناك في شخص واقف ..

ماعطيته اي اهتمام .. رجعتي من البراده .. مااشوف الا شخص حاملني من بطني ..

ويركض .. قمت اصااااااااااااااااااااااااااااارخ ... مدري ليش حسيت بالموت لحظتها ..

كنت اصارخ بس احساااس غريب والله .. ومن حسن حظي اني كنت يم بيت جدي ..

سمعت خالتي صوتي طلعت حافيه .. قامت تركض .. شافها .. دايركت رماني على

الارض .. وهرب ..

فيه مواقف ثانيه .. على لسان الوالده .. لما كنت صغيره وكان يوم عيد .. عطاني

اخوي حلاووه (برميته) .. اكلتها .. ووقفت لي بحلقي .. يقولون قام العزا في بيت

جدي ... وودوني المستشفى واني كنت كلللش موقادره اتنفس .. طبعا كنت صغيره ..

بس امي اللي تقول لي السالفه .. وانه اول مادخلت الطوارئ طفرت بروحها .. بس

سببت لي جرح بحلقي ..

...........................

واذكر موقف ثاني .. من سنتين تقريبا .. كنت في بيت جدي .. وعندهم باب من

حجر .. وشكله منتف خخخخ .. المهم اني شيطانه .. كنت اركض .. وصلت لهالباب..

ونطيت .. صار راسي تحت هذا الحجر .. وطلع الدم .. اللي اذكره اني تجمدت بس ..

حركتي انشلت ههههههههههههههههه .. بس جاني وجع رااااس .. ظل ملازمني فتره

طويله شوي ..

اولاً بشكرك اختي على الموضوع .. لان وايد عجبني .. يعني يطلع شوي من بلاوينا واحنا جهال يمكن ..

............................

انا مرة صار لي موقف .. بصراحه عن نفسي ماحسيت فيه .. يمكن ماحسيت بالموت .. بس كان موتي وشييييييييييك يعني ماباقي بيني وبينه الا شعرة وحده بس ..

وانا صغير يعني تقريباً يمكن في اول ابتدائي او يمكن مادخلت المدرسه والله مااذكر عدل .. لكن اذكر اني كنت مرقد في المستشفى .. (( الولادة والاطفال )) .. ومسوين لي عمليه مابقول لكم حق شنو ..
المهم .. كان المفروض اخذ ابرة لمده 3 اشهر .. يعني يعطوني مقدار معين كل كم يوم لمدة 3 اشهر لان المحلول الي كنت اخذه في الابرة مركز جداً ومافي احد يتحمله الا بهالشكل ان يكون موزع طول 3 اشهر او ازيد بعد ..

المهم ان جات الممرضه المحترمة .. وعطتني 3 ابر في نفس الوقت ورا بعض .. وفيه المحلول كاااااااامل الي المفروض اخذه طول 3 اشهر ..
الي ازيد وازيد .. ان انا كنت ميت من الصياح وماحد قادر يمسكني .. ودخلو لي امي وابوي واخوي عشان يمسكوني ويثبتوني عدل عشان اخذ هالابر .. انا طبعاً كنت اصيح بسبب اني مابي اخذ ابرة ولا ادري شسالفة ..

بعد فترى يمكن نص ساعه انا خلاص خدرة في مكاني .. وركبو علي اجهزة الدنيا وعفسوا المكان ومادري شنو .. وقلبوا المستشفى ودكاترة ودنيا عندي في الغرفة .. وانا مادري بروحي كأني احلم وخدران حدي ..

بعد يوم او يومين اكتشفت السالفة واخوي كان يشتغل في المستشفى نفسه مدير الحسابات .. وكتب شكوى على الممرضه عشان الي صار ...

بس الحمدلله انا للحين عايش .. مع ان الخطر الي صار .. كان في لحضه وحده ماحد يشوفني .

الحمد الله على سلامتك خيووو ..

والله يعطيك طوله العمر ان شاء الله ..

الله يسلمك اختي .. يسلمووو

يسلم غالييك ..

وبانتظار البقيه .. ومشاركتهم ..!